Dagskrá miðvikudaga (Fræðsla og spjall) næstu vikur:

„Viljum minna á fræðslu- og skemmtidagskrárfundinn á morgun miðvikudaginn 20. sept. kl.13.00 í Þorlákssetri. Kaffi og með því og létt spjall.

Miðvikudaginn 27. sept. kemur Garðar Gíslason hrl. og flytur erindi um erfðamál og svarar spurningum.

Miðvikudaginn 4. okt. Aldís Hafsteinsdóttir fræðir okkur um flutning bæjarskrifstofunnar og því sem framundan er í bæjarmálum.

Miðvikudaginn 11. okt. Gunnar Þorláksson segir okkur frá Jólahlaðborði, sæludögum á Örkinni og ferð til Calpe á Spáni næsta vor.“

Haustfundur FEBH 2017

FEBH fundarboð

Haustfundur félagsins verður haldinn fimmtud. 7. september kl. 14:00 í Þorlákssetri.

Dagskrá vetrarins kynnt.  Kaffihlaðborð kr. 1000.

Frábært tækifæri til að kynnast félaginu og félögunum.

Blómstrandi dagar 2017 í Þorlákssetri.

Blómstrandi  dagar 17. – 20. ágúst í Þorlákssetri, félagsheimili eldri borgara í Hveragerði, Breiðumörk 25.

Myntsýning Helga Ívarssonar, vönduð og fróðleg sýning.

Laugard. 19. ágúst kl. 15:00 skemmta feðginin Ólafur Beinteinn Ólafsson tónlistarmaður og Ingibjörg Aldís Ólafsdóttir, sópransöngkona. Ingibjörg mun flytja vinsæl  íslensk og erlend sönglög. Ólafur leikur undir á harmónikku og píanó og stjórnar hópsöng.

Opið hús alla dagana kl. 14:00 -16:00. Heitt á könnunni. Allir velkomnir.

 

Síðsumarferð FEBH til Vestmannaeyja.

Síðsumarferð félagsins verður farin mánudaginn 28. ágúst  til Vestmannaeyja.

Mæting kl. 7:30 í Þorlákssetur, farið kl. 7:45. Það tekur 1 og ½ klst. að keyra í Landeyjahöfn +  mæting 30 mín fyrir brottför,  (2 klst.).

Farið með fyrstu ferð með Herjólfi frá Landeyjahöfn kl. 9:45 og til baka kl. 18:45. Sjóferðin tekur 35 mín. Erum með rútuna allan daginn.

Tanginn  er rómaður matsölustaður. Fáum okkur eitthvað gott af matseðlinum,  t.d súpu og salatbar (kr. 1850) eða eitthvað annað. Það greiðir hver fyrir sig.

Leiðsögn um eyjuna ca. 2 klst. Leiðsögumaður Kristján Óskarsson.  Heimsækjum Eldheima sem er gosminjasýning, sem miðlar fróðleik um eldgosið 1973. Kr. 1900 fyrir eldri borgara. Leiðsögn ca 1 klst. Það greiðir hver fyrir sig.

Heimboð í húsnæði eldri borgara í Krikanum.

Sæheimar, Fiska og Náttúrugripasafn Vestmannaeyja heimsótt,  ca. 45 mín., kr. 1200. Það greiðir hver fyrir sig.

Verð fyrir ferðina er kr. 5500, greiðist fyrir 21. ágúst í Arion banka,  reikn. nr. 52 merkt „Ferð“.

FEBH félagar, takið frá þennan dag, takmarkaður sætafjöldi, aðeins 40 sæti.  Fyrstur kemur fyrstur fær.

Skráið ykkur hjá ferðanefndinni fyrir 21. ágúst:

Kristín Dagbjartsdóttir 557 4884 / 860 3884

Egill Gústafsson                                                                                                       

Fjóla Ragnarsdóttir

Söngur og spil í Þorlákssetri á Blómstrandi dögum.

Blómstrandi dagar/ Frækin feðgin.

Feðginin Ólafur Beinteinn Ólafsson tónlistarmaður og Ingibjörg Aldís Ólafsdóttir sópransöngkona mæta hinn 19. ágúst nk. kl. 15:00 í Þorlákssetri, sal eldri borgara. Ingibjörg mun flytja vinsæl íslensk og erlend sönglög. Ólafur leikur undir á harmónikku og píanó. Hann mun líka stjórna hópsöng.

Blómstrandi dagar bæta geð/ best að sem flestir verði með. Sönglistin eflir okkar sál./ Söngur er mikið þarfamál.

Landsmót UMFÍ – Móttaka.

Kæru félagar

Í tilefni landsmóts UMFÍ verður FEBH með opið hús í Þorlákssetri föstudagskvöldið 23. júní kl. 21.00-23.00 og laugardaginn 24. júní kl. 14.00-16.00.  Sýning verður á myntsafni Helga Ívarssonar.  Einnig verður tímaritið Húsfreyjan frá Kvenfélagasambandi Íslands kynnt og hægt að gerast áskrifandi á staðnum. Kaffi á könnunni.  Gaman væri að sá sem flesta félaga og gesti.

Kær kveðja,

Jónína Haraldsd. ritari stjórnar FEBH

Korpúlfar í heimsókn.

„Góðan dag kæru félagar

Fimmtudaginn 8. júní n.k. ætla Korpúlfar félag eldri borgara í Grafarvogi Reykjavík að heimsækja okkur í Þorlákssetur kl. 15.00.

Mikið þætti okkur vænt um ef einhverjir úr félaginu sæju sér fært að koma  og heilsa upp á þau þar sem þau tóku svo vel á móti okkur síðastliðið haust þegar við fórum til þeirra.  Kaffi á könnunni.“

Kær kveðja,

Jónína Harldsd. ritari stórnar FEBH

 

Landsmót UMFÍ 50+ í Hveragerði

Landsmót UMFÍ 50+

                              23.-25. júní í Hveragerði             

Sjálfboðaliðar

UMFÍ óskar eftir sjálfboðaliðum frá FEBH til að aðstoða, t.d. við móttöku og verðlaunaafhendingu o.fl. á landsmótinu.

 

Áhugasamir skrifi sig á lista með nafni og símanúmeri, sem liggur frammi í Þorlákssetri. Einnig má hafa samband við Gísla Garðarsson formann FEBH í síma 862 7501 eða

Jónínu Haraldsdóttur ritara í síma 866 4398

Miðvikudagar í apríl í Þorlákssetri.

Miðvikudagar í apríl 2017 kl. 13:00 í Þorlákssetri.

Miðvikud. 5. apríl: Gestur okkar er: Ingunn Gunnarsdóttir frá Tryggingastofnun, Selfossi. Kynnir breytingar á lögum um almannatryggingar sem tóku gildi 1. jan 2017 og snúa að eldri borgurum.

Miðvikud. 12. apríl: Gestur okkar er: Stefanía Inga Sigurjónsdóttir, hjúkrunarfr, hennar fyrirlestur nefnist:           Öruggari efri ár, byltu-og slysavarnir. Fjallað er um slysavarnir og forvarnir gegn slysum með eldra fólk í huga, sérstök áhersla lögð á byltuvarnir. Farið er skipulega í gegnum heimilið og nánasta umhverfi.

Miðvikud, 26. apríl: Gestur okkar er: Ingunn Stefánsdóttir, geðhjúkrunarfræðingur, hennar fyrirlestur nefnist:  Gott minni er gulli betra. Fjallað er um skilgreiningu á minni, minnisstöðvar, mismunandi minni og mikilvægi minnisþjálfunar. Upphaf skipulagðar minnisþjálfunar og ekki síst nokkur góð ráð til að skerpa minnið

 

Nýjung í hádeginu á miðvikudag í Þorlákssetri.

Miðvikudagur 29. mars
í Þorlákssetri


Nýtt !! Súpa og brauð kl. 12.30 kr. 500
 Kl. 13:00 gestur  dagsins Guðmundur Baldursson, bæjartæknifr, kynnir skipulagsbreytingar í Hveragerðisbæ.
Kaffi , spurningar og spjall.