Sumarferð í Þórsmörk

Þórsmörk

Ágætu félagar.

Ferðanefnd FEBH efnir til ferðar í Þórsmörk miðvikud. 24. júlí. Farið með rútu frá ÞÁ.

Lagt af stað frá Þorlákssetri kl. 9:00 í Bása, áætluð heimkoma kl. 19:00. Heill dagur.

Það er ekki farið yfir Krossá  þegar  ekið er í Bása, sem er um 2ja klst. akstur frá Hveragerði.

Útivist sér um svæðið í Básum. Gerðar hafa verið miklar endurbætur á svæðinu fyrir aðgengi hreyfihamlaðra, sem er til fyrirmyndar. Það eru stikaðar gönguleiðir við allra hæfi.

Engin veitingasala á staðnum,  þannig að hver hefur með sér nesti fyrir daginn.  Daggestir, þ.e. þeir sem hvorki  gista í tjöldum eða skála, þurfa að greiða  aðstöðugjald sem felur í sér aðgengi að salerni og annarri aðstöðu sem í boði er kr. 500 á mann, nefndin gengur frá því við skálaverði.                              Við eigum frátekinn viðverubás frá kl 13:00-15:00 . Einnig er aðstaða til inniveru með nesti.

Nú er sko tækifæri til að skella sér í ferðina og njóta þess sem ein af fegurstu náttúruperlum Suðurlands býr yfir. Landslagið er ægifagurt og mótast af samspili eldfjalla, jökla, skóga og jökuláa sem mótar útsýnið til allra átta. Náttúran er fjöbreytt og fögur. Ekki gleyma myndavél.

 Með í för verður  reyndur leiðsögumaður.

Verð aðeins: kr 5000.  Greiðist í Arion banka reikn. nr. 52. fyrir 18. Júlí. merkt  ”ferð”.           Innifalið í verði: Rútan, leiðsögn og aðstöðugjald.

Vinsamlega skráið ykkur jafnframt hjá Kristínu Dagbjartsd. sími 860 3884 – Fjólu Ragnarsd.  sími 659-5415

Með bestu kveðju.

Ferðanefndin: Kristín Dagbjartsd., Fjóla Ragnarsd. og Egill Gústafsson

2ja daga ferð – Borgarfjörður -Dalir -Snæfellsnes

Félagi eldri borgara í Hveragerði er gefinn kostur á 10 sætum í þessa ferð.                      

Félag eldri borgara í Reykjavík og nágrenni.                                                                                 

Borgarfjörður – Dalir – Snæfellsnes 31. maí – 1. júní 2019
Félagið efnir til 2ja daga ferðar á þetta svæði  föstudaginn 31. maí.
Lagt af stað úr Stangarhyl klukkan 9 um morguninn og ekið sem leið liggur upp í Borgarnes, þar sem höfð verður stutt viðdvöl og við skoðum okkur aðeins um á staðnum. Þaðan verður haldið upp í Norðurárdal  og komið við í Bifröst (100 ára afmæli skólans) og kíkt á fossinn Glanna í Norðurá. Þar í hrauninu tökum við upp nestið okkar áður en við höldum um Bröttubrekku og vestur í Dali. Komum við í Búðardal og ökum um Skógarströnd áleiðis til Stykkishólms. Þar verður gist á Hótel Stykkishólmi  og borðaður kvöldmatur. Skoðum okkur um í Stykkishólmi við komuna þangað eða eftir morgunverð daginn eftir. Daginn eftir liggur leiðin  út á Snæfellsnes þar sem komið verður við á nokkrum stöðum. Hádegishressing á Hellnum eða Arnarstapa. Á leiðinni til Reykjavíkur höfum við viðdvöl á sunnanverðu Snæfellsnesi  eftir veðri og vindum. Áætlaður komutími til Reykjavíkur um klukkan 18. Verðið er kr 39.500 fyrir félagsmenn FEB Rvk . kr 500 meira á mann fyrir önnur félög.
Innifalið í verði er akstur í rútunni, gisting, kvöldmatur og morgunmatur í Stykkishólmi og hádegishressing á laugardeginum. Fararstjóri og leiðsögumaður Kári Jónasson.

Félagi eldri borgara í Hveragerði er gefinn kostur á 10 sætum í þessa ferð. Tilboðið gildir til miðvikud. 17. apríl. Bókanir á feb@feb.is eða síma 5882111. Það bókar hver fyrir sig.

 

 

Dagsferð til Reykjavíkur.

 

Dagsferð til Reykjavíkur, föstud. 5. apríl. Farið með rútu frá Þorlákssetri kl 13:00.  Leiðsögn með  Stefáni  Pálssyni  sagnfræðing. Hann fræðir okkur á sinn einstaka og skemmtilega hátt um þær breytingar sem orðið hafa á lífæð borgarinnar. Höfnin og Grandinn 1-1 1/2 klst. Við skoðum Nýja Sjóminjasafnið og fáum  okkur síðan hressingu. Verð aðeins kr 4000. Greiða í Arion banka reikn nr 52. Þátttökulisti í Þorlákssetri skrá sig sem fyrst. Einnig má skrá sig hjá Kristínu 860 3884 og Fjólu 659 5415 sem fyrst. Ferðanefndin.

 

Árshátíð FEBH

Árshátíðin 2019 verður haldin í Skyrgerðinni miðvikud. 27. mars kl. 19:00. Húsið opnar kl. 18:30.

Dagskráin: Tvíréttaður kvöldverður: Lambasteik  með berniesósu og alles. Eftirréttur.   Veislustjórn: Hjörtur Benediktsson, leikari, uppákoma og fjöldasöngur. Sigurðarson leikur á hljómborð fyrir söng og dansi.                     

Þjónustað til borðs. Barinn opinn.                   

Verð aðeins kr. 6000, greiðist í Arion banka  reikn. nr. 52 fyrir 20. mars.  Jafnframt þarf að tilkynna  þátttöku fyrir 20. mars.         

Þátttökulisti liggur frammi í Þorlákssetri. Einnig hægt að skrá sig  hjá Gísla í síma 862 7501.

Fræsla og spjall

Næsti fræðslu- og spjalltími verður miðvikudaginn 6. mars n.k. kl. 13.00 í Þorlákssetri. Jóna Einarsdóttir verður með ferðasögur og öskudagsgleði.

Heitt á könnunni.

Miðvikudaginn 13. mars verður mætt á Listasafn Árnesinga kl. 13.00

Heilsuátak

Hveragerðisbær blæs til gjaldfrís heilsuátaks fyrir eldri borgara Jónína Ben íþróttafræðingur heldur utan um 8 vikna námskeið;  hreyfing, fræðsla, einkaviðtöl, mælingar og hvatning.

Hveragerðisbær og Jónina Ben. hafa gengið til samstarfs í þessu verkefni.

Kynningarfundur verður 22. febrúar kl. 20.00-21.00 í Þorlákssetri 

Aðalfundi FEBH frestað um viku vegna óviðráðanlegra orsaka.

Aðalfundur
Félags eldri borgara í Hveragerði verður haldinn fimmtudaginn 21. febrúar 2019 kl 14: 00 í Þorlákssetri.
Fundarefni:
Skýrsla stjórnar
Skýrsla gjaldkera
Ákveðin árgjöld félaga
Kosning stjórnar og skoðunarmenn reikninga
Önnur mál
Kaffihlaðborð kr. 1.000.-

Stjórn FEBH

Frá Uppstillingarnefnd:

Tilkynning frá uppstillingarnefnd 2019.

 Stjórn FEBH hefur tilkynnt að aðalfundur félagsins verður haldinn fimmtudaginn 14. febrúar kl. 14.00 í Þorlákssetri húsi félagsins.

Uppstillingarnefnd hefur lokið störfum og tilkynnir hér með niðurstöður.

 Kjörtímabili í aðalstjórn hefur lokið Kristín Dagbjartsdóttir og gefur hún kost á endurkjöri.

 Kjörtímabili í aðalstjórn hefur lokið Egill Gústafsson og gefur hann ekki kost á endurkjöri.

 Í aðalstjórn gefur kost á sér Sigurjón Guðbjörnsson.

 Kjörtímabili í varastjórn hefur lokið Helga Baldursdóttir og gefur hún kost á endurkjöri.

 Skoðunarmenn ársreikninga ber að kjósa árlega og eru þeir Garðar Hannesson og Sigurjón Guðbjörnsson og gefa þeir ekki kost á sér.

Jóna Einarsdóttir og Sigurjón Skúlason gefa kost á sér sem skoðunarmenn ársreikninga.

 Hjónin Sigurjón Guðbjörnsson og Guðlaug Birgisdóttir gefa kost á  sér að fara á LEB þing í vor.

Þessar tillögur bárust uppstillingarnefnd fyrir 17. janúar 2019.

 

Hveragerði 25. janúar 2019

Ingibjörg S. Guðjónsdóttir, Sigurjón Guðbjörnsson og Guðbjörg Jóna Sigurðardóttir.

Fréttir af Hverafuglum.

Af Hverafuglum  er það að frétta að Örlygur snýr aftur sem kórstjóri.  Æfingar verða framvegis á mánudögum kl. 17.00 – 19.00.

Fyrsta æfing á nýju ári verður mánudaginn 21. jan. kl. 17.00.

Veikindaleyfi formanns framlengt.

Gísli Garðarsson formaður FEBH verður áfram í veikindaleyfi út janúar.  Varaformaður Kristín Dagbjartsdóttir sinnir störfum formanns á meðan.  Vinsamlega snúið ykkur til hennar ef einhverjar spurningar vakna.