Sviðaveisla

Sviðaveisla á vegum FEB Hveragerði þann 11.11 kl. 19 í Rósakaffi.

Kæru félagar í Félagi eldri borgara í Hveragerði.  Á hugmyndafundinum okkar í maí sl. kom fram áhugi á að halda sviðaveislu.  Þá er við hæfi að það verði að veruleika núna við lok sláturtíðar, föstudaginn 11. nóvember kl. 19 í Rósakaffi.  Við höfum fengið mjög gott tilboð þar, og félagið niðurgreiðir enn um helming, svo við getum boðið ykkur máltíðina; svið (heit eða köld) með kartöflustöppu og rófustöppur á kr. 1000 á mann.  Einnig verða drykkjarföng á mjög góðu verði.  Karlakórinn hefur gefið vilyrði fyrir að líta við hjá okkur.  Er til nokkuð þjóðlegra á Gormánuði en SVIÐ, BJÓR OG KARLAKÓR?

Staðfesta þarf þátttöku með því að svara tölvupósti eða hringja í síma 4835216 í Þorlákssetri  í síðasta lagi föstudaginn 4.11.  Vakt verður við símann þriðjudaginn 1.11, miðvikudaginn 2.11 og fimmtudaginn 3.11,  kl. 13-16

Við munum svo taka á móti ykkur við dyrnar og merkja við á þátttökulistanum. Þið greiðið síðan ykkar hlut við kassann í Rósakaffi.

Með bestu kveðjum

Stjórnin