Breyting á stjórn FEBH

Kæru félagsmenn í Félagi eldri borgara í Hveragerði

Með stuttu millibili hafa bæði formaður félagsins, Áslaug Guðmundsdóttir, og varaformaður, Guðjón
Árnason, forfallast vegna veikinda. Ekki er vitað hversu lengi en við hin í stjórninni sendum þeim
innilegar óskir um góðan bata sem allra fyrst.
Við sem eftir sitjum leituðum ráða hjá formanni landssambandsins, LEB, Helga Péturssyni og hann
sagði að við ættum að halda strax stjórnarfund, færa varamennina upp í aðalstjórn og skipta með
okkur verkum upp á nýtt, þar til okkar fólk kemur aftur eða í síðasta lagi þegar ný kosning fer fram á
aðalfundi sem ákveðinn hafði verið 23.02.23.
Þetta höfum við gert föstudaginn 21.10. sl. og vinnum nú eftir nýju skipulagi.
Stjórnin er þá þannig skipuð:
Formaður: Sigurlín Sveinbjarnardóttir
Varaformaður: Daði Ingimundarson
Ritari: Marta Hauksdóttir
Gjaldkeri: Steinunn Aldís Helgadóttir
Meðstjórnandi: Björn Guðjónsson
Öll starfsemi félagsins heldur óbreytt áfram og við erum ákveðin í að vinna vel svo undirbúningur
allra viðburða og námskeiða, bæði núna og á vormisseri gangi eins og áætlað var.

Hveragerði 22. október 2022
Með félagskveðjum
Sigurlín Sveinbjarnardóttir, starfandi formaður